Bakit hindi tumitigil ang orasan?

Bakit hindi tumitigil ang orasan?

Ang orasan ay parang buhay ng tao. Sumusunod lamang tayo sa agos ng buhay kung saan man tayo nito dalahin. Sa bawat oras na lumilipas,tulad ng buhay ng tao,marami tayong natututunan sa mga taong nakapaligid sa atin at sa mundong ating ginagalawan. Ang oras ay napakahalaga at magiging kapakipakinabang kung gugugulin natin ito at ilalaan ang oras sa mga tamang tao,bagay at pamamaraan. Tunay nga na ang buhay ng tao ay walang tigil sa pakikipagsapalaran. At ikaw bilang nagmamaniobra ng iyong buhay, ang siya lamang makapagsasabi ng kahihinatnan ng iyong kapalaran.

Bakit nga ba natutuyo ang dahon?

May mga panahon sa ating buhay na hindi na tayo nagiging epektibo. Kagaya na lamang ng mga nakagisnan nating gawin noong tayo ay nasa murang edad pa. Dahil nadaragdagan ang ating edad, ay may mga gawain tayo na hindi na natin kinakayang gawin. Kumbaga, nalipasan na tayo ng panahon. Tulad ng isang dahon,ang tao ay dumarating sa panahon ng tag-sibol at panahon ng tag-lagas.

By:

Mina Gracia L.Maiquis